Wednesday , November 14 2018
Home / Lajme nga Maqedonia / PSP është e vendosur që rastin “Perandoria” ta hetojë deri në fund

PSP është e vendosur që rastin “Perandoria” ta hetojë deri në fund

PSP i ka duart e lira që ta ndjek deri në fund rastin e hapur të koduar si “Perandoria”, gjegjësisht ajo mund të ngrejë aktakuza shpejt, sepse nuk u ka skaduar afati ligjor prej 18 muajsh për ngritjen e një aktakuze, shkruan “Fokus”.

Siç njoftojnë nga PSP, për nevojat e rastit, ata morën dhjetëra raste nga ndjekjet penale të rregullta, që do të thotë se afati i tyre fillon nga dita që e kanë marr përsipër këtë rast, ndërsa jo nga dita kur janë publikuar “bombat”, përcjell Telegrafi Maqedoni.

“Prokurori publik i cili udhëheq me Prokurorinë Publike mund të fillojë aktakuzën ose të urdhërojë ndërprerjen e procedurave hetimore për një periudhë jo më shumë se 18 muaj nga dita e marrjes së sendeve dhe materialeve nën juridiksionin e tij, thuhet në nenin 22 të Ligjit mbi PSP-në”.

Bëhet fjalë për një rast të madh, e materiale që nga viti 2002 deri në vitin 2013.

Është e qartë se këto dokumente kanë marr pluhur në zyrën e rregullt të prokurorisë për vite me radhë, por tani PSP është vendosur që ta dërgojë deri në fund rastin./Telegrafi/

Huazuar nga

Check Also

Ristevska: Reformat në sistemin e pensioneve do të parandalojnë krijimin e deficitit

Reformat në sistemin pensional nuk kërcënojnë shtyllën e parë, thotë Irena Ristevska nga Ministria e …

%d bloggers like this: