Sunday , October 21 2018
Home / Lajme nga Kosova / Turistja nga Kili e mrekulluar me punimet e ekspozuara në Prizren (Video)

Turistja nga Kili e mrekulluar me punimet e ekspozuara në Prizren (Video)

Mbi 400 punime kishin mbushur Hamamin e qytetit të Prizrenit.

Mbi 400 punime shumëngjyrëshe, kishin mbushur Hamamin e qytetit të Prizrenit. Të punuarit e veçantë të tyre, i kishin dhënë jetë edhe ambientit në të cilin ishin vendosur.

E gjithë kjo ka ndodhur për të shënuar edicionin e 15-të të Festivalit Ndërkombëtar të Stripit, Satirës dhe Karikaturës.

Isidora Rollan, e cila kishte ardhur nga Kili për ta vizituar Kosovën, rastisi të jetë vizitore e këtij festivali.
Ajo ka thënë për RTV Dukagjinin se dëshiron që vitin tjetër, shteti i saj të jetë pjesë e tij.

“Është hera e parë që vij në Kosovë. Gjithçka është e mrekullueshme. Ndërsa punimet këtu janë perfekte. Do të doja që vitin tjetër edhe shteti im të jetë pjesë e këtij festivali”, tha Rollan.

Këtë vit, në këtë festival kishin marrë pjesë 120 artisë, nga 47 shtete të botës.

Drejtori i këtij festivali, Gani Surdulli, ka thënë se këtë vit kanë përzgjedhur një temë shumë më ndryshe nga edicionet e kaluara.

“Këtë vit kemi përzgjedh një temë të posaçme në lidhje me festivalin. Tema është në lidhje me librin dhe teknologjinë. Është një temë besoj e qëlluar. Punimet e ekspozuara tregojnë më së miri qëllimin e librit dhe të teknologjisë. Arsyeja që e kemi bërë këtë festival në këtë formë është që të ketë një jehonë më të madhe si brenda ashtu edhe jashtë vendit”, deklaroi Gani Surdulli, përcjell Telegrafi.

Pjesëmarrës në këtë festival, për herë të parë ishte edhe Abdul Zemani, artist me përvojë 30 vjeçare.

Ai ka thënë se tema është ajo e cila e ka tërhequr që të bëhet pjesë e tij.

“30 vite punoj me karikatura dhe këtë vit vendosja të prezantoje me punimet e mia edhe ne Kosovë. Kam prekur temat aktuale që përballen qytetarët e Kosovës”, thotë artisti Abdul Zemani.

Festivali i Stripit dhe Karrikaturës, tashmë është bërë tradicional.

Ndërsa hapja zyrtare e tij do të bëhet nesër, me fillim nga ora 19:30, në hapësirat e Hamamit të qytetit të Prizrenit. /Telegrafi/


Source link

Check Also

Policia e Kosovës konfirmon sulmin ndaj pelegrinëve serbë në Istog

Gjatë ditës së sotme në fshatin Studenicë të Istogut janë sulmuar autobusët me pelegrinë serbë. …

%d bloggers like this: