Monday , October 22 2018
Home / Lajme nga Maqedonia / Projekti “Ndërtojmë urat” bashkon nxënësit e etnive të ndryshme në Shkup

Projekti “Ndërtojmë urat” bashkon nxënësit e etnive të ndryshme në Shkup

Nxënës nga 27 shkolla nga mbarë vendi u mblodhën për një ditë plotë zbavitje dhe argëtim si pjesë e aktivitetit vjetor të Fondit “Ndërtojmë urat”, të organizuar sot nga Misioni i OSBE-së në Shkup.

Shkollat ​​përfituan nga Fondi “Ndërtojmë urat”, i cili ndan grante të vogla për aktivitete të përbashkëta në shkolla me gjuhë të ndryshme mësimore.

“Ne në OSBE besojmë se krijimi i lidhjeve midis nxënësve nga komunitete të ndryshme është jashtëzakonisht e rëndësishme. Për këtë arsye, ne vazhdojmë të mbështesim Fondin për Ndërtimin e Urave së bashku me Ministrinë e Arsimit dhe Shkencës dhe përmes bashkëpunimit tonë të sapokrijuar me Ministrinë e punës dhe politikës sociale,” tha Shefi i Misionit të OSBE-së në Shkup, ambasadori Clemens Koja.

Ministri i Arsimit dhe Shkencës, Arbër Ademi shtoi: “Projekti është një rrëfim i suksesshëm për katër vjet tashmë dhe synon njohjen e gjeneratave të reja me etikën dhe vlerat për tolerancën, respektin dhe mirëkuptimin e dallimeve, zakoneve kulturore dhe fetare, si dhe traditën e bashkësive etnike. Qëllimi përfundimtar është që këto vlera të përfshihen në secilin person të ri. Është mënyra e vetme për të siguruar unitet të shoqërisë, si një nga themelet e një shteti stabil, të fortë dhe me prosperitet.”

Ngjarja “Ndërtojmë urat së bashku” është një projekt i përbashkët nga Ministria e Arsimit dhe Shkencës, Misioni i OSBE-së në Shkup, Ambasada e Holandës dhe qeveritë e Shteteve të Bashkuara, Austrisë dhe Italisë. Ai mbështet aktivitetet e përbashkëta në shkolla duke përfshirë nxënës nga të gjitha komunitetet dhe me gjuhë të ndryshme me qëllim për të rritur ndërveprimin, mirëkuptimin dhe integrimin në mjedisin shkollor.

Huazuar nga

Check Also

U përfol se do t’i zë vendin Mickoskit, por u përjashtua nga VMRO-ja

Mitko Jançev është përjashtuar nga radhët e partisë të VMRO DPMNE-së. Ai mbante postin e …

%d bloggers like this: