Wednesday , November 14 2018
Home / Lajme nga Shqipëria / Ish-deputeti e ndihmoi të merrte pronë te Rana e Hedhun, pranga vëllait të Arben Ndokës

Ish-deputeti e ndihmoi të merrte pronë te Rana e Hedhun, pranga vëllait të Arben Ndokës

Në mesin e të arrestuarve për “falsifikim dokumentash” e “tjetërsim pronash” ku në pranga përfundoi ish-deputeti i PS Arben Ndoka, u arrestua edhe vëllai i këtij të fundit, Xhevahir Ndoka

BalkanWeb mëson se ish-deputeti ka ndihmuar familjarët e tij të marrin pronë në zonën e quajtur Rana e Hedhun në Lezhë.

Hetimi disa mujor ka mbledhur prova dhe se ky grup kriminal dyshohet si i implikuar në abuzimet me troje shtetërore në zonën e Lezhës dhe Kurbinit, përmes falsifikimit të dokumenteve e vulave etj.

Në mars 2018, Policia e Lezhës hetoi një grup kriminal që dyshohej se ishte lidhur me abuzimet toka e troje në zonën e Shëngjinit dhe ndaloi 12 persona, mes tyre edhe Kryetari i Bashkisë Lezhë, ndërsa 11 u shpallën në kërkim. Ata në bashkëpunim me njëri-tjetrin akuzohen se kanë falsifikuar, tjetërsuar dhe përvetësuar 234,548 m2 tokë shtetërore ranishte në zonën bregdetare Shëngjin, Lezhë.

Megjithë provat e forta të paraqitura nga Policia dhe Prokuroria, Gjykata e Shkallës së Parë Lezhë dhe Gjykata e Apelit Shkodër, ndryshuan masat për një numër të konsiderueshëm shtetasish, mes tyre edhe Kryetari i Bashkisë Lezhë, si dhe 2 shtetas të ri-shpallur në kërkim.

Gjithashtu disa ditë më parë, Policia e Lezhës goditi një tjetër grup prej 11 ish-zyrtarësh të Hipotekës, aktiviteti i të cilit dyshohet se lidhet me tjetërsimin e tokave në këtë qark.

 

e.f/BalkanWeb

 

Huazuar nga

Check Also

‘S’jemi shpellarë, po qytetarë’, protestuesit i vënë flakën gomave

TIRANE Në ditën e 11 të protestës, banorët e Astirit, banesat e të cilëve preken …

%d bloggers like this: