Monday , October 22 2018
Home / Lajme nga Shqipëria / Flet gënjeshtari numër një

Flet gënjeshtari numër një

Ish-ministri i drejtësisë Ylli Manjani ka reaguar pas nismë ‘Antishpfije’ të propozuar një ditë më parë nga kryeministri Rama. Ironik me kreun e qeverisë, duke e konsideruar si gënjeshtarin numër një në vend, përmes një postimi në facebook, Manjani shkruan se ‘Rrenat e tij të qëllimshme (shpifjet) kanë kosto të frikshme publike.’

“Ka marrë borxh në emër dhe për llogari të popullit duke e gënjyer atë! Për gënjeshtër të tillë grekën zbythën qeverinë në sekond. Për një gënjeshtër të tillë, gënjeshtari e financon atë fondin e Edukimit për 15 vitet e ardhshme i vetëm.” Shkruan Rama ndërsa shton se kush e di se ç’skandal tjetër po fsheh apo po kurdis, ndërkohë që ne merremi me “paketën Anti-Shpifje”….

Një ditë më parë, Rama u shpreh po përmes një postimi në facebook, se çdo shpifje të hedhur në drejtim të qeverisë do të paditet në gjykatë, dhe cdo lek i fituar përmes gjyqeve do të shkojë në fondin e edukimit.


Postimi i plote:

“Përgjegjësi për fjalën”?!

Ooo kush flet për përgjegjësi fjalësh!
Gënjeshtari numër një!

Autori i manualit të shpifjes me titull “Kurbani”.

Rrenat e Tij po marrin në qafë gjithë njerëzit. Pa dyshim që duhet të përgjigjet për fjalët dhe urdhërat që lëshon.

Ka marrë borxh në emër dhe për llogari të popullit duke e gënjyer atë! Për gënjeshtër të tillë grekën zbythën qeverinë në sekond. Për një gënjeshtër të tillë, gënjeshtari e financon atë fondin e Edukimit për 15 vitet e ardhshme i vetëm.

Rrenat e tij të qëllimshme (shpifjet) kanë kosto të frikshme publike. Sikur të gjithë që kritikojnë atë dhe modelin e tij sundues të bëhen bashkë nuk i afrohen dot kostove të një rrene të vetme të tij.

Kërkon mbrojtje nga ligji kur e shkel vetë atë me të gjitha këmbët. Ku e ka parë e lexuar këtë ligj, sipas të cilit u dashka paditur populli apo kundërshtarët politikë me zor?!

Edhe paditë vartësit e tij deputetë e Ministra, duhet ti bëjnë jashtë dëshirës së tyre, sepse i urdhëron ai.

Mrekulli juridike është!

Themeluesi i shpifologjisë dhe zbatues i teknikave të mashtrimjt të njerëzve.

Por nuk i bën më fajde as sentenca e Soros “askush nuk ka monopolin e të vërtetës”. E braktisi edhe plakun…

Sepse sipas këtij postulati as Ai nuk ka pse te jetë “e vërteta”, ndaj ska si të gjykojë mbi “të vërtetat” e të tjerëve…

Ai si të gjithë të tjerët ka të drejtë të jetojë në “të vërtetën” e tij. Por, nuk ka hiç të drejtë të mohojë “të vertetën” e të tjerëve.

Ndaj do flasim e do shkruajmë atë që mendojmë, në përgjegjshmëri të plotë madje, për veten e vendin.

Se kush shpif e rren le ti ndajë publiku!

Ai le të bredhë gjyqeve, meqë ska punë tjetër për të bërë!

P.s. kush e di se ç’skandal tjetër po fsheh apo po kurdis, ndërkohë që ne merremi me “paketën Anti-Shpifje”….

(BalkanWeb)

Huazuar nga

Check Also

“A ha pykë ti mo, maskara”! Polici refuzon të paguajë biletën e autobusit (video)

Emisioni “Stop” në Tv Klan ka publikuar sot video-denoncime të dërguara nga qytetarët. Në një …

%d bloggers like this: