Edhe, një Dibranë në vendosjen e Shtatores së Shenjtores Nënë Teresa në Brooklyn

0
1756

Kush ishin ata që e zbukuruan Bruklinin të dielën – Statuja e Shenjtores Nënë Teresa u vendos në Brooklyn

Beqir SINA ; Brooklyn New York

Organizata jo qeveritare Rrënjët Shqiptare – me Marko Kepin, senatorin e shtetit të New Yorkut, Marty Golden dhe me sponosrizimin e një grupi shqiptarësh – vendosën shtatoren e Nëna Terezes në një nga lagjet më të banuara me shqiptarë Brokklyn të New Yorkut.

Mori pjesë dhe zbulon shtatoren Presidenti i Republikës së Shqipërisë – Shkelqesia e Tij Bujar Nishani

BROOKLYN NY : Në platon e Kishës Saint Anthanasius në Brooklyn New York, ku jetojnë më shumë se 20 mijë shqiptarë, te dielen ne mesdrek me një ceremoni madhështore, është përuruar shtatorja e të Shejtës Nënë Tereza – Saint Tersesa of Calcuta.

Shtatorja në në qytetin e Brooklyniit, është vendosur me iniciativë të, Organizatës jo qeveritare Rrënjët Shqiptare – Marko Kepi, me senatorin e shtetit të New Yorkut, Marty Golden dhe me sponsorizimin e një grupi shqiptarësh të cilit janë edhe donator për ndërtimin e shtatores.

Ndërsa puna për vendosjen e shtatores, zgjati për afro dy javë, dhe është e kryer vullnatarisht nga disa kompani të biznesmenve të suksesshem shqiptare ne Amerikë përfshirë edhe dibranët e suksesshëm Belul Qoku( se bashku me dy djemtë e tij), Murat Marken, Asllan Qoku, dhe shoket e tyre te besimit katolik Nick Beqi, Rrik Vila, Edvin Dema, dhe Petrit Nika.

Shtatorja e Nënë Terezës, është përuruar në njërin nga sheshet kryesore të këtij qyteti, vetëm dy javë mbasi kreu i Kishës katolike Papa Françesku, në Vatikan më 4 Shtator 2016 e shpalli të Shejtë Nëna Terezen.

Shtatorja është rreth 2 metra e lartë , është e derdhur në bronz dhe peshon rreth 300 kg dhe në bazamentin e saj ka të shkruar një citat të Nënë Tereza, në anglisht, si dhe emrin e saj të plotë, rethuar nga nja “kopësht” me lule të freskta.

Ceremoninë e udhëhoqi me shumë ekulencë duke krijuar emocione të mëdha , tek qytetarët e shumtë, gazetarja e njohur Kozeta Turishta, ndërsa e prezantojë atë dhe e përshëndeti presidenti i Albanian Roots z. Marko Kepi, duke faleminderuar donatorët , dhe dhënë nga një mirënjohje për secilin prej tyre.

Shtatoren e zbuluan Presidenti i Republikës së Shqipërisë – Shkelqesia e Tij Bujar Nishani, Imam Tahir Kukaj që zbulojë mbulesen, dhe Pastor Nathan Preston, senator Mary Golden dhe Rabai i Brooklynit.

Grupi i skuters te Kishes,Boy Scout Troop, kendoje “Master of Ceremonies Pledge of Allegiance” – kurse, Himnin kombetar te SHBA dhe atë të Shqipërisë i këndojë Lola Mezini.

Valentina Ivezaj- kendoje “I’m a Flower”

Lutja fetare u hap nga Imzot David L. Cassato, Pastor i Kishës St. Athanasius, ndërsa luajti në violincel Gilberta Luca.

Presidenti i Republikës, Bujar Nishani, përuroi në Bruklin shtatoren e bamirëses shqiptare me famë botërore Nënë Tereza, të shpallur shenjtore nga Papa Françesku disa javë më parë në Vatikan.

Në ditën e fundit të vizitës së tij zyrtare në Nju-Jork, Presidenti Nishani ishte i ftuar në Kishën e Saint Athanasiusit në Bruklin, ku mori pjesë në meshën e shenjtë duke falënderuar klerikët dhe veprimtarët shqiptarë, që kontribuan në ngritjen e shtatores për nismën e tyre fisnike dhe atdhetare si dhe më pas, në veprimtarinë kulturore të organizuar nga Imzot David Cassato dhe nga Shoqata “Rrënjët Shqiptare”.

Senatori Martin Goldenpasi vlerësoi Presidentin Nishani për përshkushtimin e vazhdueshëm në drejtim të përmirësimit të komunitetit, si dhe i dorëzoi Kreut të Shtetit shqiptar Rezolutën e Senatit të Nju-Jorkut të miratuar edhe nga Guvernatori Kuomo, e cila e shpall datën 4 Shtator si Ditën e Nënë Terezës në shtetin e Nju-Jorkut.

Presidenti Nishani në fjalën e tij tha se “sot dita është më e veçantë, dhe realisht ndihem jo vetëm i emocionuar, por dhe i privilegjuar, sepse jam mes miqsh të nderuar, mes vëllezërve dhe motrave të mia për një arsye që zemrën na e ngre peshë. Me ne sot është dhe Nëna jonë e dashur, e lumja Terezë, dhe të gjithë ne vetëm pak ditë më parë patëm fatin e papërsëritshëm në brezin tonë të përjetojmë shenjtërimin e Saj me një ceremoni historike që preku zemrat dhe u rrënjos përjetësisht në mendjet e gjithë botës”.

“Jam i bindur që të gjithë ju dhe kushdo tjetër që banon në Bruklin, do të frymëzohet dhe marrë shembull nga jeta dhe vepra e kësaj Shenjtoreje shqiptare”, u shpreh Nishani.

Presidenti Nishani u shpreh se “Nënë Tereza është dhurata më e vyer që kombi shqiptar i ka falur dhe dhuruar me shumë bujari mbarë Njerëzimit”.

Më lejoni ta përfundoj fjalën time në cilësinë e Kreut të Shtetit duke shprehur mirënjohjen ndaj Shteteve të Bashkuara të Amerikës dhe popullit amerikan për mikpritjen që u kanë rezervuar shqiptarëve brez pas brezi. Ne jemi krenarë gjithashtu që jemi miq të Shteteve të Bashkuara të Amerikës

NO COMMENTS

Leave a Reply